თბილისი

მდებარეობს აღმოსავლეთ საქართველოში, თბილისის ქვაბულში, მდინარე მტკვრის ორივე სანაპიროზე, ზღვის დონიდან 380–600 მ სიმაღლეზე, ჩრდილოეთით ესაზღვრება საგურამოს ქედის სამხრეთი მთისწინეთი, აღმოსავლეთით — ივრის ზეგნის ჩრდილო-დასავლეთი მონაკვეთი, დასავლეთით და სამხრეთით კი — თრიალეთის ქედის განშტოებები. ქალაქს 502 კმ² ფართობი უჭირავს

ბათუმი

ბათუმი არის მოსახლეობის რაოდენობით მეორე ქალაქი საქართველოში, მსხვილი საერთაშორისო ნავსადგური შავი ზღვის სამხრეთ-აღმოსავლეთ სანაპიროზე, მნიშვნელოვანი სამრეწველო, კულტურული და ტურისტული ცენტრი საქართველოში.

ბათუმი გაშენებულია ღრმა, კარგად დაცული ბუნებრივი ნავსაყუდელის ბათუმის ყურის ნაპირას, ზღვის დონიდან 3 მეტრზე, თბილისიდან 350 კმ-ში (რკინიგზით). 2014 წლის აღწერის მონაცემებით, ქალაქში ცხოვრობს 152 839 ადამიანი

ყაზბეგი

ყაზბეგის მუნიციპალიტეტი — ადმინისტრაციულ-ტერიტორიული ერთეული აღმოსავლეთ საქართველოში, მცხეთა-მთიანეთის მხარეში. ადმინისტრაციული ცენტრია დაბა სტეფანწმინდა. ყაზბეგის მუნიციპალიტეტი მოიცავს ისტორიულ-გეოგრაფიული მხარე ხევის ტერიტორიას.

ბორჯომი

ქალაქი და კურორტი აღმოსავლეთ საქართველოში, ბორჯომის მუნიციპალიტეტის ადმინისტრაციულ ცენტრი. მოსახლეობა 10 546 ადამიანი (2014 წ.). ბორჯომში არის ბორჯომისა და ბაკურიანის ეპარქიის კათედრა და რეზიდენცია, განათლების და კულტურის დაწესებულებები.

გუდაური

გუდაურის სათხილამურო კურორტი მდებარეობს დიდი კავკასიონის ქედის სამხრეთ კალთაზე. კავკასიის სხვა სათხილამურო კურორტების უმეტესობისგან განსხვავებით, გუდაური აღჭურვილია უახლესი ტექნოლოგიით.

ბაკურიანი

ბაკურიანი არის ყველაზე ცნობილი სათხილამურო კურორტი საქართველოში, მდებარეობს თრიალეთის ქედის ჩრდილოეთ კალთაზე, ბორჯომის ხეობასთან. ეს არის პატარა სოფელი 1700 მ სიმაღლეზე, გარშემორტყმული მთებით, ალპური მდელოებით და ხშირი ფიჭვნარებით. თბილისის აეროპორტიდან ბაკურიანამდე – 190 კმ, დაახლოებით სამი საათის სავალზე

საქართველოს შესახებ

საქართველოს გეოგრაფიული მდებარეობა:

ტერიტორია: 69700 კმ

მეზობელი ქვეყნები: სამხრეთ-დასავლეთით თურქეთი, სამხრეთ-აღმოსავლეთით სომხეთი, აღმოსავლეთით აზერბაიჯანი. ჩრდილოეთის საზღვარზე, დასავლეთიდან აღმოსავლეთისკენ, საქართველოს მეზობელია რუსეთის ფედერაცია.